जसपा सरकार मा जाने भए संगै मन्त्रि बन्नको लागि दौडधूप शुरु भएको छ

0
233

काठमाडौं जेष्ठ १२

यो समय सबै राजनैतिक दलहरु नया सरकार बानाउनको लागि दौदिरहिको छन् । जनता समाजवादी पार्टीका अध्यक्ष महन्थ ठाकुर पक्ष सरकारमा सहभागी हुने कुरा चलिरहँदा अहिले जसपामा मन्त्री बन्नका लागि दौडधूप शुरु भएको छ ।

जसपा महन्थ ठाकुर पक्षमा २० जना पूर्वसांसद छन् भने वर्तमान सरकारमा गैर सांसद पनि मन्त्री बन्न सकिने भएको छ । प्रतिनिधिसभा सदस्य नरहेका नेता पनि मन्त्री बन्न पाउने भएपछि थप दौडधूप शुरु भएको हो ।

तर, प्रधानमन्त्री केपी शर्मा ओलीले ठाकुर पक्षलाई कति वटा मन्त्रालय दिने भन्ने कुरा तय नभइसकेको जसपाको केन्द्रीय सदस्य सन्तोष मेहताले बताउनुभएको छ ।

यता प्रधानमन्त्री ओलीका परराष्ट्र सल्लाहाकार डा.राजन भट्टराइले पनि यस विषय आधिकारिक निर्णय नभइसकेको गोरखापत्र अनलाइनलाई जानकारी दिनुभयो ।
केन्द्रीय सदस्य मेहताकाअनुसार अहिले सबैको नाममा दाउ छ । शीर्षनेता बाहेक अन्य वरिष्ठ नेता पनि मन्त्रीका आकाङ्क्षी देखिएको उहाँले बताउनुभयो ।

शीर्ष नेताहरुमा जसपाका वरिष्ठ नेता राजेन्द्र महतो, शरतसिंह भण्डाारी, अनिलकुमार झा, राजकिशोर यादवको नाम चर्चामा रहेको मेहताले बताउनुभयो ।

राजेन्द्र महतो संसदीय दलको नेता हुनुहुन्छ । सरकार, सत्ता र बाँकी विषयका बारे अध्यक्ष ठाकुर र महतोले निर्णय लिनुहुन्छ । यस विषयमा उहाँबीच छलफल भइरहेको छ, केन्द्रीय सदस्य मेहताले भन्नुभयो । तर, जसपाका अध्यक्ष महन्थ ठाकुर भने आफैँ सरकारमा नजाने हुनुभएको छ । यो खबर आजको गोरखापत्र दैनिकमा छापिएको छ ।

LEAVE A REPLY

Please enter your comment!
Please enter your name here